E pōhiri ana a Oratia kia tāpaehia ngā pukapuka pono pakeke (hītori, Māori, Moutere-a-Kiwa me ngā pukapuka pono whai pikitia), me ngā pukapuka whai pikitia, ngā pukapuka pono hoki mā ngā tamariki. Tirohia tā mātou paetukutuku, tā mātou rārangi rānei mehemea e tūhono ana tō pukapuka. Ko te nuinga o ā mātou kaituhi, ā mātou ringa tā hoki ka tuhi mō te āhua o te oranga ki Aotearoa, ki ngā Moutere-a-Kiwa rānei, ā, ko ā mātou pukapuka tamariki ka whakaatu i te āhua o te oranga tamariki ki konei.

Ngā Pukapuka Pakeke

Ka whakaputaina e mātou ngā pukapuka mō te toi me te ahurea o Aotearoa, ngā pukapuka hītori whānui, ngā pukapuka whai pikitia hoki, ina koa te aronga ko te ao Māori me te reo Māori.

Ngā Pukapuka Tamariki

Ko te nuinga o ā mātou pukapuka he 32 whārangi te roa, ā, kei raro iho i te 1000 kupu.  I te nuinga o te wā, ka tūhono mātou i te tuhinga taketake ki tētahi ringa tā. Mo ngā pukapuka pono, tirohia ngā rārangi pukapuka NZ Series, Moana Oceania hoki.

Ngā Pukapuka ka Kore e Whakaputaina

Ka kore mātou e whakaputa i ngā pukapuka kōrero paki, ngā pukapuka tiaki/aro ki te tangata, me ngā pukapuka pakihi.
Ka kore e whaiwhakaarohia ngā pukapuka nāu anō i whakaputa. Mō ngā rōpū, e tuwhera ana ā mātou ratonga whakaputa; tirohia te whārangi Ratonga mō ētahi anō mōhiohio.
Ka kore mātou e urupare ki ngā tāpaetanga kua waihangahia e te Atamai Hangahanga.

Me Pēhea te Tuku Tāpaetanga

Tukuna mai āu nā mahi mā te īmēra ki submissions@oratia.co.nz, tāpirihia hoki:

  • he reta uhi
  • he whakarāpopoto
  • kia toru, iti iho rānei ngā wāhanga tauira, te tuhinga taketake katoa rānei mō ngā tuhinga tamariki.

Mā te mēra, tukuna mai ki Submissions, 783 West Coast Road, Tāmaki-makaurau 0604. Tēnā, tāpirihia he kōpaki whai pane kīngi, whai wāhi noho hoki.
Ko te whāinga ia kia urupare atu i roto i te waru wiki mai i te wā ka tau mai tō tāpaetanga.

Ngā Kōrero me Tāpae Mai

I tō reta uhi me tuku mai i ngā kōrero mōu anō, mō ngā pukapuka kua whakaputaina kētia me te pukapuka e tāpaehia ana. Tēnā, whakamōhiotia mai mehemea e tāpaehia ana ki ētahi anō kaiwhakaputa.
Tukuna mai ō mahi hei tuhinga Word kotahi, hei PDF kotahi rānei, me kaua ngā wāhanga e tuku takitahi mai. Tēnā, kaua e whakamahi i ngā whakatakoto motuhake, ngā hoahoa rānei ki ō mahi, ā, kaua koa e tuku ata arinui – e taea ana te tuku mā ngā pae pērā i a WeTransfer, i a Dropbox rānei.
Mehemea e tuku ā-mēra mai, tukuna mai te tuhinga taketake mā runga pepa A4 kua patohia ki te whārangitahi, ā, namahia ngā whārangi.